Президент буш :русийә америкиниң дүшмини әмәс

Санаәтләшкән сәккиз дөләт рәһбәрлириниң учришишиға қатнишиш сәпиридә чехта тохтиған америка президенти җорҗ буш соғақ мунасивәтләр урушиниң ахирлашқанлиқини билдүрүп "русийиниң америкиниң башқурулидиған бомба қалқан сестимисидин әндишә қилишиниң һаҗити йоқ " дәп көрсәтти.

Буниңдин илгири русийә президенти соғуқ уруш дәвридики тәләппузида "әгәр америка яврупаға бомба қалқан сестимисини орнатса , русийиниң ядро бомбилири явропани нишанға алиду" дәп агаһландурған иди.

Җорҗ буш чех президенти билән биллә қатнашқан мухбирларни күтивелиш йиғинида соғуқ урушниң ахирлашқанлиқини билдүргән болуп , б б с радио‏ - телевизийисиниң бушниң сөзини нәқил кәлтүрүшичә " вашингтон билән москва оттурисида ортақ мәқсәтләр үчүн келишимләр һазирлаш мумкинчилики бар, буниң бири, әркин дөләтләрниң лүкчәк дөләтләр тәрипидин ядро һуҗумиға учраштин сақлинишиға капаләтлик қилиш " икән.

Америка һөкүмитиниң ипадилишичә, "лүкчәк дөләт" дәп тилға елиш обекти иран вә шималий корийәни көрситидиған болуп, әмма русийә президенти путинниң йәкшәнбә билдүрүшичә," иран америкиға қарита тәһдит һасил қилмайду." Кузәтчиләрниң қаришичә ,путинниң бу баяни америка бомба қалқан сестимисиниң әмәлийәттә русийини нишанлиғанлиқидин дерәк беридикән. (Гүлчеһрә)