Türkiye bash ministiri amérikigha keldi

• 
  2005-06-08

Amérikida ziyarette boliwatqan türkiye bash ministiri rejep tayip erdoghan charshenbe küni aqsarayda amérika prézidénti jorj bush bilen körüshüp, ikki döletning istratégiyilik shiriklik munasiwitini tekitlidi. Erdoghan yene, amérika karxanilirini türkiyige meblegh sélishqa ündigen.

Amérika birleshme agéntliqining xewirige qarighanda, türkiye bash ministiri erdoghan amérika prézidénti bushning ottura sherq pilanini qollaydighanliqini bildürgen. Prézidént bush türk-amérika munasiwitining stratigiyilik shiriklik munasiwiti ikenlikini tilgha aldi. Ikki dölet rehberliri uchrishishta yene, iraq mesilisi, shimaliy iraqtiki pékaka qoralliq küchliri, türkiyining yawropa ittipaqigha ezaliqi, siprus we süriye mesliliri boyiche söhbet élip bardi.

Türkiye bash ministiri rejep tayip erdoghan washin'gton'gha qilidighan sepirini bashlashtin ilgiri, amérika- türkiye munasiwetliride toxtilip, "türkiye we amérika her ikkila dölet bir- birige éhtiyajliq. Türkiye amérika üchün dostluqni ada qilidighanliki ishning hemmisini qilip keldi hemde buningdin kéyinmu dawamliq shundaq qilidu" dégen. (Peride)