Amérika soda ministiri don iwans xitayda ziyarette boldi
2005.01.11
Amérika soda ministiri don iwans, seyshenbe küni xitaydiki ziyaritini bashlidi
Fransiye agéntliqining xewirige qarighanda, iwansning bu qétim xitayda élip baridighan ziyaritining asasliq meqsidi xitay terep bilen, xitayda yüz bériwatqan sodida adil bolmasliq qilmishliri , bazargha kirgen mallarning hoquqini qoghdash hemde eqliy mülük hoquqi heqqide bergen wedisige emel qilish qatarliq mesililerni muzakire qilishtin ibaret iken.
Iwans xitayni ziyaret qilishtin bir kün ilgiri, washin'gtonda xitayning amérika ishchilirining menpe'etige ziyan élip kélidighan patént hoquqigha dexli- terüz yetküzüsh qilmishini toxtitish kéreklikini otturigha qoyghan idi.
Royitiris agéntliqi bu heqte xewer élan qilip, amérikining soda ministiri iwansning xitaygha qaratqan ziyariti harpisida, béyjingning eng meshhur kochiliridin shishuy kochisidiki chong bazarda saxta markiliq mallarni sétishni toxtatqanliqini ashkarilidi. (Eqide)