Америка һәрбий әмәлдари хитайда зиярәттә болди


2007.03.22
Share on WhatsApp
Share on WhatsApp

Франсийә агентлиқиниң 22 ‏- март бейҗиңдин бәргән хәвиригә қариғанда, америка һәрбий ишлар баш қомандани петер пәйс, хитайниң һәрбий қоманданлири билән сөһбәт өткүзүш үчүн бейҗиңға кәлгән.

Америка әлчиханиси баянатчисиниң билдүрүшичә, қомандан пәйис хитай һәрбий тәрәп баш қомандани ляң гуаңлйе билән сөһбәт өткүзидикән. У йәнә хитай дөләт мудапиә баш министири сав гаңчуән вә хитай мәркизи һәрбий комитетиниң муавин рәиси го бошиюңлар билән көрүшидикән.

Пәйисниң бу қетимлиқ зиярити, америка билән хитай тәрәп арисида америка тинч окянда турушлуқ қораллиқ қисимлар қомандани өткән йили май вә авғуст айлирида хитай тәрәп билән һәрбий ишәнч турғузуш үчүн қилған зияритини елип барғандин кийин елип берилған иккинчи қетимлиқ һәрбий учришиш икән.

Улар тәйвән мәсилиси һәққидиму сөһбәт өткүзидикән. Чүнки америка өткән айда тәйвәнгә 400 данә башқурулидиған бомба сетип беришни елан қилған. Тәйвән 1949 йилидин бери америка ‏- хитай мунасивәтлирини яхшилаштики асаслиқ бир тосалғу болуп кәлгән. Әгәр тәйвән мустәқиллиқ йолиға қарап маңса хитайлар қорал күчи ишлитимиз дәп тәһдит селип келиватқан иди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.