Хитай - америка истратегийилик иқтисат сөһбити өткүзүлди

Икки күн давамлишидиған америка - хитай истратегийилик иқтисад сөһбити сәйшәнбә күни пайтәхт вашингтон әтрапидики аннаполис шәһиридә башланди. Сөһбәт муавин баш министири ваң чишән башчилиқидики хитай өмики билән, америка малийә министири паулсон йетәкчиликидики америка сөһбәт өмики арисида өткүзүлмәктә.
Мухбиримиз әқидә хәвири
2008-06-17
Share

 Игилишимизгә қариғанда, енергийә вә муһит мәсилиси сөһбәт күнтәртипидики муһим темилар болуп һесаблинидикән. Америка мәтбуатлириниң хәвәр қилишичә, йеқиндин бери хәлқ пули қиммитиниң өрлиши сәвәбидин икки дөләт арисидики хәлқ пули қиммитини чөридигән талаш - тартишлар бир аз юмшиған болуп, бу, сөһбәтниң нефит баһаси, енергийини әқилға мувапиқ ишлитиш, муһитни қоғдаш қатарлиқларға мәркәзлишишини илгири сүргән. Лекин хәлқ пули қиммитиниң өсүши хитай маллириниң баһасини өрлитип, өй базири вә бензин баһасиниң бесимиға дуч келиватқан америка истималчилириға йүк болуп қалди.

Хитай сөһбәт өмики тәркипидики 120 кархана америкиниң һәр қайси шәһәрлиридә зор көләмлик сетивелиш тохтамлирини түзүп, хитай - америка арисидики сода қизил рәқиминиң йүкини бир аз болсиму йәңгиллитишкә тиришидикән.

Хәвәрләргә қариғанда, хитай тәрәпниң америка билән имзалиған мал сетивелиш тохтими 8 милярд доллардин ашқан. Америка хитайниң енергийини әқилғә мувапиқ қоллинип, йәр шари енергийә еһтияҗи дуч келиватқан бесимни йәңгиллитишни үмид қилмақта. Америка малийә министири паулсон, хитайни мәмликәт ичидә йеқилғу ярдәм пулини бикар қилишқа чақирди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт