Xitay - amérika istratégiyilik iqtisat söhbiti ötküzüldi

Ikki kün dawamlishidighan amérika - xitay istratégiyilik iqtisad söhbiti seyshenbe küni paytext washin'gton etrapidiki annapolis shehiride bashlandi. Söhbet mu'awin bash ministiri wang chishen bashchiliqidiki xitay ömiki bilen, amérika maliye ministiri pa'ulson yétekchilikidiki amérika söhbet ömiki arisida ötküzülmekte.
Muxbirimiz eqide xewiri
2008-06-17
Share

 Igilishimizge qarighanda, énérgiye we muhit mesilisi söhbet küntertipidiki muhim témilar bolup hésablinidiken. Amérika metbu'atlirining xewer qilishiche, yéqindin béri xelq puli qimmitining örlishi sewebidin ikki dölet arisidiki xelq puli qimmitini chöridigen talash - tartishlar bir az yumshighan bolup, bu, söhbetning néfit bahasi, énérgiyini eqilgha muwapiq ishlitish, muhitni qoghdash qatarliqlargha merkezlishishini ilgiri sürgen. Lékin xelq puli qimmitining ösüshi xitay mallirining bahasini örlitip, öy baziri we bénzin bahasining bésimigha duch kéliwatqan amérika istimalchilirigha yük bolup qaldi.

Xitay söhbet ömiki terkipidiki 120 karxana amérikining her qaysi sheherliride zor kölemlik sétiwélish toxtamlirini tüzüp, xitay - amérika arisidiki soda qizil reqimining yükini bir az bolsimu yenggillitishke tirishidiken.

Xewerlerge qarighanda, xitay terepning amérika bilen imzalighan mal sétiwélish toxtimi 8 milyard dollardin ashqan. Amérika xitayning énérgiyini eqilghe muwapiq qollinip, yer shari énérgiye éhtiyaji duch kéliwatqan bésimni yenggillitishni ümid qilmaqta. Amérika maliye ministiri pa'ulson, xitayni memliket ichide yéqilghu yardem pulini bikar qilishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet