Xitay - amérika iqtisadi söhbitide asasiy ixtilaplar hel bolmidi


2006.12.15
Share on WhatsApp
Share on WhatsApp

Xitay - amérika tunji nöwetlik istratégiyilik iqtisadi söhbiti jüme küni béyjingda axirlashqan bolsimu, lékin terepler ikki dölet arisidiki bezi nuqtiliq mesililerde pikir birliki hasil qilalmidi.

Xitay xelq pulining qimmitini tengshesh mesiliside konkrét wede bermidi.Lékin xitay - amérika söhbet wekillirining yighindin kéyin jakarlishiche," ikki terep soda, bazarni échiwétish, muhitni qoghdash, pakiz énérgiye ishlepchiqirish qatarliq mesililerde téximu zich hemkarlishish toghrisida kélishim hasil qilghan.

Amérika maliye ministiri pa'ulsén, her ikki terepning xitay - amérika soda tengpungsizliqini azaytishqa qoshulghanliqini bildürdi. Pa'ulsén, tereplerning sodidiki tengpungsizliqni azaytish yolida belgilik tedbir alidighanliqini bildürdi.

Amérika bu söhbet jeryanida xitayni xelq pulining qimmitini qoyuwitishke ündigen. Terepler yene , xitay puqralirining amérika mallirini sétiwélish qizghinliqini qozghaydighan tedbirler üstide muzakire élip bardi. Xitay, nyu - york aksiye soda baziri we nasdaqning béyjingda ish bashqarmisi échishigha qoshuldi shundaqla amérika xitayning amérika qit'esi tereqqiyat bankisigha qatnishishini qobul qildi.

Lékin xitay xelq pulining qimmitini tengsheydighanliqi toghrisida amérikigha konkrét wede bermigen. Pa'ulsén, " shuni eskertishimiz kérekki, eger xelq puli islahati asta bolup qalsa xeter téximu chongiyidu. Lékin xitaylar buninggha bashqiche qarimaqta " dep körsetti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.