Асия-тинч окян иқтисадий һәмкарлиқ тәшкилатиниң йиғини аяқлашти


2004-11-22
Share

Асия-тинч окян иқтисадий һәмкарлиқ тәшкилатиниң 2004 - йиллиқ башлиқлар йиғини йәкшәнбә күни чилиниң пайтәхти сантиягода аяқлашти. Мәзкур тәшкилатқа әза дөләтләрниң рәһбәрлири хәлқара террорчилиққа қарши туруш вә дуняда әркин содини раваҗландуруш үчүн давамлиқ тиришчанлиқ көрситишкә қошулди.

Асия-тинч окян иқтисадий һәмкарлиқ тәшкилатиға әза америка, хитай қатарлиқ 21 дөләтниң рәһбири бу қетимқи икки күнлүк йиғинға қатнашқан. Улар йиғинниң йепилиш мурасимида бирликтә хитабнамә елан қилип, әркин содини риғбәтләндүрүш арқилиқ, асия-тинч окян раюнидики иқтисадни раваҗландурушни тәшәббус қилған.

Һәр қайси дөләт рәһбәрлири йәнә дуня сода тәшкилатиға әза дөләтләр арисидики әркин сода диалогини әслигә кәлтүрүшни әмәлгә ашурушқа вәдә бәргән. Әркин сода әмәлгә ашқанда дунядики 100 милйон аһалә намратлиқтин қутулиду дәп қаралмақта.

Асия-тинч окян иқтисадий һәмкарлиқ тәшкилати 15 йил авал қурулған болуп, асаслиқи иқтисадий мәсилиләрни һәл қилишни нишан қилған. Бирақ 11 - синтәбир вәқәсидин кийин, террорчилиққа қарши туруш мәсилиси барғансири бу йиғинниң муһим бир музакирә темисиға айланмақта. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт