Пәләстин миллий һәрикитиниң рәһбири ясир арафат вапат болди


2004-11-11
Share

Пәләстинниң рәһбири ясир арафат пәйшәнбә күни франсийиниң пайтәхти париж шәһириниң сиртидики бир һәрбий дохтурханида, 75 йешида вапат болди.

Дохтурхана даирилириниң билдүришичә, ясир арафат бир һәптә һошсиз ятқандин кийин хәлқара өлчәмлик вақит бойичә икки йеримда җан үзгән. Униң өлүминиң сәвәби техи рәсмий җакаланмиди. Бирақ, дохтурхана хадимлири арафатниң меңисигә қан чүшкәнликини вә җигәр вә бөрикиниң интайин аҗизлап кәткәнликини билдүрмәктә.

Франсийә ахбарат агентлиқиниң хәвиригә қариғанда, арафатниң җәсити қаһирәгә елип берилип, җүмә күни мисирда намизи чүшүрилидикән. Униң җәсити рамалла шәһиридики пәләстин баш штабиниң қоруси ичигә қойилидикән. Өткәнки үч йилдин буян, ясир арафат исраилийә даирилири тәрипидин рамалладики баш штабида қамилип турған иди.

Пәләстин хәлқи пәйшәнбә күни кочиларға чиқип, уларниң вапат болған рәһбиригә тәзийә билдүрди. ясир арафатниң вапатидин кийин, пәләстин парламентиниң рәиси мәхмуд аббас униң орниға пәләстин һоқоқ оргининиң вақитлиқ рәһбири болди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт