Rosiye, b d t gha térrorizm bilen baghlinishi bolghan siyasi panalan'ghuchilarni qayturush teklipi sundi


2004-09-24
Share

Rusiye, b d t gha teklip lahiyesi sunup, térrorchilarning siyasi panaliq hoquqini jawabkarliqqa tartilishdin saqlinishtiki qalqan qilip qollinishigha xatime bérishni telep qildi. Rosiye térrorluq chétishliqi bolghan siyasi panalan'ghuchilarni dölitige qayturushni telep qilghan.

Rosiye tashqi ishlar ministiri sérgéy lawérof b d t ning omumi yighinida söz qilip, rosiyening yuqiriqi teklip lahiyesini b d t xewpsizlik kéngishige sun'ghanliqini ashkarilighan. Chéchen qoralliq küchliri bu yil 8 - ayda shimali ositiyening béslan shehiridiki bir ottura mektepni görüge éliwélish paji'esidin kéyin, rusiye da'iriliri chéchen qarshiliq körsitish herikitining chet'eldiki rehberlirini ötküzüp bérishni telep qilghan.

Bu arida chéchéniye prizidénti aslan mashadof, béslandiki ottura mektep paji'esining jawabkarliqini üstige alghan chéchen küchlirining qomandani shamil basayéfni sotqa tatidighanliqini élan qildi. Biraq mashadof, bu sotning chéchen urushi axirlashqandin kéyin élip bérilidighanliqini bildürgen. Közetküchiler, rusiyining teklipi b d t xewpsizlik kéngishidiki xitayning qollishigha érishidighanliqini perez qilmaqta. Chünki ilgiri xitayning gérmaniye we türkiyidiki sherqiy türkistan pa'aliyetchilirini, amérikidiki gu'antanamo tutqunlirini qayturup bérish telipi, bu döletlerning ret qilishigha uchrighan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet