Б д т кишилик һоқуқ тәкшүргүчилири хитайни әйиблиди


2004.10.04
Share on WhatsApp
Share on WhatsApp

Бирләшкән дөләтләр тәшкилатиниң кишилик һоқуқни назарәт қилиш оргини дүшәнбә күни хитай һөкүмитиниң тутқунларға муамилә қилишта хәлқара өлчәмләргә риайә қилмайватқанлиқини көрсәтти.

Америка бирләшмә ахбарат агентлиқиниң хәвиригә қариғанда, аргентиналиқ адвокат ләйла зәрругуй башчилиқидики б д т кишилик һоқоқ вәкилләр өмики 9 - айниң ахири хитайни зиярәт қилип, хитайдики халиғанчә тутқун қилиш мәсилиси үстидә тәкшүрүш елип барған иди.

Зәрругуй дүшәнбә күни бәргән баянатида, хитай һөкүмитиниң түрмә, әмгәк билән өзгәртиш мәйдани вә сақчиханиларда тутуп туриливатқан кишиләргә қаратқан муамилини яхшилашни кечиктүриватқанлиқини әйиблиди. У хитай һөкүмитиниң б д т халиғанчә тутқун қилиш ишлирини тәкшүрүш оргининиң 1997 - йили бәргән төт түрлүк тәклипини иҗра қилмиғанлиқини билдүрди. Зәрругуй йәнә хитайниң қанунида "дөләт бихәтәрликигә тәһдит елип келиш" җинайити һәққидә ениқ чүшәнчә берилмигәнликтин, бир қисим кишиләрниң өзлириниң сөз қатарлиқ әркинликини тинчлиқ билән ипадилигәнлики үчүнла җазаға тартилишини кәлтүрүп чиқарғанлиқини көрсәтти.

Хәвәргә қариғанда,хитай һөкүмити б д т кишилик һоқоқ әмәлдарлириниң бейҗиң, чиңду вә ласа шәһәрлиридики 10 дәк тутуп туруш орниға берип, бир қисим мәһбуслар билән сөһбәт елип беришиға йол қойған . Бирақ уларниң ласадики бир түрмидики бир нәччә мәһбус билән учришишини рәт қилған. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт