B d t ning yéngi kishilik hoquq kéngishi yighin ötküzdi

• 
  2006-06-19

Düshenbe küni shwétsariyining jenwe shehiride, yingi qurulghan birleshken döletler teshkilati kishilik hoquq kéngishining yilliq yéghini bashlandi.

Birleshken döletler teshkilatining bash katibi kafi annan bu munasiwet bilen bergen bayanatida, yéngi qurulghan birleshken döletler teshkilati kishilik hoquq kéngishi, birleshken döletler teshkilatining kishilik hoquq kürishini qaytidin bashlishi üchün yéngi chong bir purset yaritidu, dédi.

Köpchilikke melum bolghandek, birleshken döletler teshkilati kishilik hoquq kéngishi, bu teshkilatning kishilik hoquq komitéti ornigha quruldi. Kishilik hoquqning herqaysi döletlerdiki weziyitini közitip, döletlerning kishilik hoquqqa hörmet qilishini kapaletke ige qilish üchün qurulghan b d t kishilik hoquq komitéti, xitay, koba, sudan qatarliq özliri kishilik hoquqni depsende qilip kéliwatqan döletlerning teshkilatqa eza boluwélip, bir-birining eyibini yépish üchün öz-ara hemkarlashqanliqi sewebidin étibarini yoqitip, wezipisini orundiyalmas ehwalgha chüshüp qalghan. Shunga b d t bu komitétini bikar qilip, uning ornigha 47 ezagha ige bolghan kishilik hoquq kéngishini qurup chiqqan.

Kafi annan, yéngi qurulghan birleshken döletler teshkilati kishilik hoquq kéngishining tunji yéghinining échilishida qilghan sözide, bu kéngeshning siyasiy oyun sehnisige aylinip qilishigha ruxset bermenglar. Dawamliq kishilik hoquqi depsende bolghanlarni oylanglar, dédi.

Emma, yéngi qurulghan kishilik hoquq kéngishige yene xitay, koba, se'udi erebistan we rusiye qatarliq döletlerning eza bolup kirgenliki, nurghun kishilerni endishilendürdi.

Kishilik hoquq teshkilatliri, bu yingi kéngeshning qurulmisidin razi emeslikini, uning, bikar qilin'ghan b d t kishilik hoquq komitétigha oxshap qiliwatqanliqini bildürmekte. (Qanat)