B d t xitayni qush zukam wirosigha qarshi dorilarni öy qushlirigha ishletmeslikke agahlandurdi

Birleshken döletler teshkilatigha qarashliq ozuqluq we yéza igilik orgini charshenbe küni xitay hökümitini qush zukam wirosigha qarshi dorilarni öy qushlirigha ishletmeslikke agahlandurup, undaq bolmighanda buning yaman aqiwetlerni keltürüp chiqiridighanliqini eskertti.

Mezkur organning xitaydiki wekili noreddin mona bu heqte toxtulup, "eger bu yerdiki öy qushlirigha qush zukimining aldini élish wirosliri urulsa, u chaghda kelgüside xitayda yaki bashqa her qaysi döletlerde ademler qush zukimigha giriptar bolghanda, bu dora ademlerge payda qilmaydighan bolup qalidu" dep bildürdi.

Amérikida chiqidighan dangliq "washin'gton pochta géziti" bu heqte mexsus maqale élan qilip, xitay hökümitining qollishi astida xitaydiki déhqanlarning 1990 - yillardin bashlapla öy qushlirining qush zukimi bolup qélishtin saqlinish üchün, ulargha qush zukamgha qarshi wiroslarni ishlitip kelgenlikini bildürdi.

Xewerde körsitilishiche, haywanlargha bu xil dora ishlitilse, wirus nahayiti tézla bu dorilargha özlishiwalidikende, kéyin ademler bu késelni yuqturiwalghanda bu xildiki dorilar kar qilmaydighan bolup qalidiken.

Nöwette b d t din bashqa yene, dunya sehiye teshkilati qatarliq her qaysi sehiye we ashliq ishlirigha mes'ul organlar xitay hökümitige bu jehette jiddiy bésim ishletmekte. Lékin xitay hökümiti hazirghiche buni téxi étirap qilmidi. (Peride)