B d t amérikini güentanamo lagirini taqiwétishke chaqirdi


2006-05-19
Share

B d t ning ten jazasigha qarshi turush komitéti, amérika ten jazasigha xatime bérish herikitining bir qisimi süpitide kubaning güentanamo arilidiki tutqunlar lagirini taqiwétish kérek, dep qaraydighanliqini élan qildi. 10 Kishilik terepsiz mutexessisler guruppisidin teshkil tapqan mezkur komitét jüme küni wiyanada bayanat élan qilip, amérikini güentanamo we chet'eldiki gumanliq térrorchilarni tutup turuwatqan barliq mexpiy türmilerni taqiwétishke chaqirdi.

Bayanatta mezkur komitét, afghanistan we iraqtiki tutup turush lagirlirida amérika eskerliri we yallanma xadimlarning mehbuslargha ten jazasi bergenliki heqqidiki xewerlerge diqqet qiliwatqanliqini tilgha aldi we barliq shekildiki ten jazalirini toxtitish, üzül -késil tekshürüsh élip bérishni telep qildi.

Nöwette güentanamodiki lagirda 17 neper Uyghur musapiri tutup turulmaqta. Amérika dölet mudapi'e ministirliqining eskertishiche, bu Uyghurlar " düshmen jengchisi" dep békitilgen bulsimu, lékin bu ularning 3 - bir döletke orunlashturulmaydighanliqidin direk bermeydiken. Amérika hökümiti bu kishiler xitaygha qayturup bérilse ten jazasigha uchrash yaki ölüm jazasigha höküm qilinish mumkinchiliki bar, dep qarighanliqtin ularni xitaygha qayturushni ret qilmaqta.

B d t ten jazasigha qarshi turush komitétining mutexessisi manfrid nowak, ötken yili 11 - ayda xitay we Uyghur aptonom rayonida tekshürüsh élip barghandin kéyin, ten jazasining xitayda omumyüzlik ehwal ikenliki we buning asasliqi Uyghur, tibet, falun'gong muritlirigha qaritilghanliqini élan qilghan. Lékin yéqinda güentanamodin qoyup bérilgen we albaniyige orunlashturulghan 5 neper Uyghur yash özlirining güentanamoda ten jazasigha uchrimighanliqini bildürdi.

B d t ilgiri amérikini güentanamodiki lagirni taqiwétishke chaqirghan bolsimu, lékin bush hökümiti b d t ning bu telipini ret qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet