Б д т , берма һөкүмитидин қилмшидин һесабат беришни тәләп қилди


2007.10.02
Share on WhatsApp
Share on WhatsApp

Ретурс агентлиқиниң 2-өктәбир җәнвәдин хәвәр қилишичә, б д т кишлик һоқуқ алй комитети , берма һәрбий һөкүмитини, бермидики бастуруш һәркитидә өлгән вә қолға елинғанлар һәққидә толуқ һесап беришкә чақирди.

Б д т кишлик һоқуқ алй комитетиниң башлиқи лосе арбоур ханим, чақириқида " берма һөкүмити, әмди бундин кейин, бешини ичигә тиқивелиш билән мәсулийәттин қечип қутулалмайдиғанлиқини билиши керәк," дәп әскәртти. У чақириқида, берма һөкүмитидин, намайишни бастуруш җәрянида елип барған һәрикәтлирини тәпсилий шәрһилишини , өлгәнләрниң санини ениқ вә толуқ беришни, қолға елинғанларниң туриватқан адрисни көрсүтушни тәләп қилди.

Арбоур ханим бу чақириқини, явропа иттипақиниң тәливигә асасән , комитетниң 47 нәпәр әзасини топлап ачқан мәхсус берма мәсилиси йиғинида оттуриға қойди.

Берма һөкүмити намайишта өлгәнләрниң санини 10 дәп елан қилған иди. Мәзкур чақириқниң арқисидин, берма һөкүмитиниң җәнвәдә вәзипә өтәватқан мәсул хадими нунт се берминиң демократийигә қарап илгириләватқанлиқини, бу қетимқи намайишниң арқисида дөләт ичи сиртидики бузғунчи күчләрниң роли барлиқини , хәлқара җамаәт берма мәсилисигә арилаштим дәп, от үстигә яғ чачмаслиқини әскәрткән вә сөзиниң ахирида, б д т билән бирликтә иш елип беришниң берманиң ташқи сияситиддики муһим пиринсип икәнлигини вә бу һәмкарлиқини һелиму давамлаштуридиғанлиқини билдүргән. (Шөһрәт һошур)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.