Америка парламент әзалири хитайниң " дөләтни парчилашқа қарши қануни" дин әндишә қилмақта


2005-03-17
Share

Америка дөләт мәҗлиси авам палатаси чаршәнбә күни қарар мақуллап, америка һөкүмитидин хитайниң " дөләтни парчилашқа қарши қануни" ға интайин әһмийәт беришни тәләп қилди.

Хитайниң мәмликәтлик хәлқ қурултийи дүшәнбә күни " дөләтни парчилашқа қарши қанун" ни мақуллиған иди. Бу қанун тәйвән мустәқиллиқ елан қилған шараитта, хитай армийисигә тәйвәнгә қораллиқ һоҗум қилиш һоқуқи бәргән.

Америка авам палатасиниң мәзкүр қарарида, " дөләтни парчилашқа қарши қануни" ниң тәйвәнгә қораллиқ һоҗум қилиш һоқуқи бәргәнлики, тәйвән боғизиниң һазирқи вәзийитини өзгәрткәнлик дәп көрситилгән. Америка тәйвәнниң һазирқи һалитини өзгәртишкә урунидиған һәр қандақ һәрикәткә қарши икәнликини билдүргән иди.

Буниңдин срт, парламент әзалири йәнә, америка һөкүмитини мәхсус хадим тәйинләп, хитайниң " дөләтни парчилашқа қарши қануни" вә тәйвәнгә қаратқан һәрбий тәһдидни күчәйтиши һәққидики әндишилирини хитай һөкүмитигә йәткүзүшкә чақирған.

Хитай һөкүмити болса пәйшәнбә күни баянат елан қилип, америка кеңәш палатасиниң мәзкур қарариға қаттиқ наразилиқ билдүрди.

Америка ташқи ишлар министирлиқиниң билдүришичә, америка ташқи ишлар министири кондилиза райисму йәкшәнбә күни хитайға қилидиған зияритидә, " дөләтни парчилашқа қарши қанун һәққидики америкиниң әндишилирини оттуриға қойидикән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт