Amérika parlamént ezaliri xitayning " döletni parchilashqa qarshi qanuni" din endishe qilmaqta


2005-03-17
Share

Amérika dölet mejlisi awam palatasi charshenbe küni qarar maqullap, amérika hökümitidin xitayning " döletni parchilashqa qarshi qanuni" gha intayin ehmiyet bérishni telep qildi.

Xitayning memliketlik xelq qurultiyi düshenbe küni " döletni parchilashqa qarshi qanun" ni maqullighan idi. Bu qanun teywen musteqilliq élan qilghan shara'itta, xitay armiyisige teywen'ge qoralliq hojum qilish hoquqi bergen.

Amérika awam palatasining mezkür qararida, " döletni parchilashqa qarshi qanuni" ning teywen'ge qoralliq hojum qilish hoquqi bergenliki, teywen boghizining hazirqi weziyitini özgertkenlik dep körsitilgen. Amérika teywenning hazirqi halitini özgertishke urunidighan her qandaq heriketke qarshi ikenlikini bildürgen idi.

Buningdin srt, parlamént ezaliri yene, amérika hökümitini mexsus xadim teyinlep, xitayning " döletni parchilashqa qarshi qanuni" we teywen'ge qaratqan herbiy tehdidni kücheytishi heqqidiki endishilirini xitay hökümitige yetküzüshke chaqirghan.

Xitay hökümiti bolsa peyshenbe küni bayanat élan qilip, amérika kéngesh palatasining mezkur qararigha qattiq naraziliq bildürdi.

Amérika tashqi ishlar ministirliqining bildürishiche, amérika tashqi ishlar ministiri kondiliza rayismu yekshenbe küni xitaygha qilidighan ziyaritide, " döletni parchilashqa qarshi qanun heqqidiki amérikining endishilirini otturigha qoyidiken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet