Буш йәнә бир қарар президентликкә сайланди


2004-11-03
Share

Америка бирләшмә ахбарат агентлиқиниң хәвиригә қариғанда, җон кәррий америка сайлими ахирлишип 20 саәттин кейин, ақ сарайға телефон ечип бушниң утқанлиқини етирап қилған. Бу, 4 йилниң алдида буш билән әл гор оттурисидики сайлам риқабитидә көрүлгән, узун мәзгилгичә сайлам нәтиҗисини ситатистика қилип болалмаслиқ вәзийитиниң қайта йүз беришидин сақлиди.

Мәзкүр сайламда охайо шитатини һесаблимиғанда, буш 254 авазға, кәррий 252 авазға еришкән болуп, адәттә ғәлибә қилиш үчүн намзат аз дегәндә 270 авазға еришиши керәк болғанлиқи сәвәбидин, һәр иккилиси охайо шитатиниң 20 саниға қарашлиқ болған иди.

Гәрчә охайо шитатидики 250 миң вақитлиқ беләт техи ситатистика қилинмиған болсиму, әмма рәсмий йосунда ташланған беләттә буш йәнила кәррийдин азрақ үстүн кәлгән. Шу сәвәптин кәррийниң сайлам гурупписи вақитлиқ беләтниң омумий беләт санида чоң өзгириш ясап кетәлмәйдиғанлиқини қарар қилған.

Шундақла җон кәррий америкиниң шәрқий вақти чүштин кейин саәт 2 дә, җорҗ W бушниң сайламда утқанлиқини тәбрикләш билән биргә, өзиниң қоллиғучилириға рәһмәт ейтти һәмдә америка хәлқи үчүн хизмәт қилиш ирадисиниң буниңлиқ билән тохтап қалмайдиғанлиқини тәкитлиди. (Пәридә)

Һәмдә буш вә муавин прездент дик ченей саәт 3 тә телевизийәдә нутуқ елан қилип, сайлиғучилириға рәһмәт ейтти вә америкиниң кәлгүсиниң техиму үмидлик болидиғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт