Bush yene bir qarar prézidéntlikke saylandi
2004.11.03
Amérika birleshme axbarat agéntliqining xewirige qarighanda, jon kerriy amérika saylimi axirliship 20 sa'ettin kéyin, aq saraygha téléfon échip bushning utqanliqini étirap qilghan. Bu, 4 yilning aldida bush bilen el gor otturisidiki saylam riqabitide körülgen, uzun mezgilgiche saylam netijisini sitatistika qilip bolalmasliq weziyitining qayta yüz bérishidin saqlidi.
Mezkür saylamda oxayo shitatini hésablimighanda, bush 254 awazgha, kerriy 252 awazgha érishken bolup, adette ghelibe qilish üchün namzat az dégende 270 awazgha érishishi kérek bolghanliqi sewebidin, her ikkilisi oxayo shitatining 20 sanigha qarashliq bolghan idi.
Gerche oxayo shitatidiki 250 ming waqitliq bélet téxi sitatistika qilinmighan bolsimu, emma resmiy yosunda tashlan'ghan bélette bush yenila kerriydin azraq üstün kelgen. Shu seweptin kerriyning saylam guruppisi waqitliq béletning omumiy bélet sanida chong özgirish yasap kételmeydighanliqini qarar qilghan.
Shundaqla jon kerriy amérikining sherqiy waqti chüshtin kéyin sa'et 2 de, jorj W bushning saylamda utqanliqini tebriklesh bilen birge, özining qollighuchilirigha rehmet éytti hemde amérika xelqi üchün xizmet qilish iradisining buningliq bilen toxtap qalmaydighanliqini tekitlidi. (Peride)
Hemde bush we mu'awin prézdént dik chénéy sa'et 3 te téléwiziyede nutuq élan qilip, saylighuchilirigha rehmet éytti we amérikining kelgüsining téximu ümidlik bolidighanliqini bildürdi.
Munasiwetlik maqalilar
- Xitay hökümiti prézidént bushni pütün dunyani sorashqa térishiwatidu dep eyiplidi
- Amérika hökümiti xitayning sabiq bash ministiri chen chichenning sözige izahat bérishni telep qildi
- Jon kerréy béyjing hökümitini xongkong démokratiyisige tosqunluq qilish bilen eyiblidi
- Amérika prézdént namzatliri axirqi munazirisini élip bardi
- Amérika prizidént namzatliri tashqi siyaset üstide munazire élip bardi
- Bush, prizdént saylimining jumhuriyetchiler namzati bolushni qobul qildi
- Amérika jumhuriyetchiler partiyisining wekiller qurultiyi axirqi künige qedem qoydi