Һәр қайси дөләт рәһбәрлири бушниң қайта сайланғанлиқини тәбрикләшти


2004-11-04
Share

Дунядики һәр қайси дөләт рәһбәрлири президент җорҗ бушниң сайламда утуп чиққанлиқини тәбрикләшти.

Австралийә баш министири ховард " җорҗ бушниң қайта сайлиниши террорчилиққа қарши күрәшниң ғәлибисидин дерәк бериду" диди. Америка башчилиқидики ирақ урушида, ховард җорҗ бушниң қоллиғучилиридин бири иди.

Әнгилийә баш министири тоний биләйир, җорҗ бушни дуня вәзийити "һәл қилғуч бир дәвр" дә туриватқан пәйттә қайта сайланди дәп көрсәтти. Ирақ урушини қоллимиған гирманийә, франсийә вә русийә дөләт рәһбәрлириму җорҗ бушқа тәбрикнамә әвәтти. Русийә президенти путин "бушниң қайта сайлиниши америка хәлқиниң террорчиларниң вәһисидин қурқмиғанлиқиниң ипадисидур"-дәп билдүрди.

Бирләшкән дөләтләр тәшкилатиниң баш секритари кофи әннанму җорҗ бушни қутлуқлап, америка хәлқиниң дуня хәлқигә һәқиқий демократийини көрситип бәргәнликидин чоңқур тәсирләнгәнликини ипадилиди.

Хитайниң сабиқ муавин баш министири чйән чечен сайламдин бир күн бурун җорҗ бушни дуняда кеңәймичилик қилиш билән әйиблигәндин кийин, хитайниң дөләт рәиси хуҗинтав пәйшәнбә күни җорҗ бушқа алайитән тәбрикнамә әвәтип, униң қайта америка президентлиқиға сайланғанлиқини мубарәклиди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт