Җорҗ бушниң вәзипә тапшурувелиш мурасими өткүзүлди


2005-01-20
Share

INAUGURATION_BUSH_OATH_.jpg
Америка президенти буш аяли вә икки қизи билән америка алий сотиниң башлиқи вилям ринкивистниң алдида қәсәм бәрмәктә. AFP

Пәйшәнбә күни америкиниң пайтәхти вашингтон шәһридә җорҗ вилям бушниң иккинчи қетим америка президентлиқ вәзиписини тапшурувилиш мурасими өткүзүлди.

Президент буш вәзипә тапшурувелиш мурасиминиң әң муһим қисми болған қәсәм бериш нутқи сөзләштин бурун, мунасивәтлик дөләт рәһбәрлири сөз қилип, америкиниң йеқиндин буянқи сиясәтлири вә һәр саһә бойичә қолға кәлтүргән мувәппәқийәтлири һәққидә тохталди.

Җурҗ буш вашингтон вақти саәт 12 дә сол қолини " инҗил" ниң үстигә қоюп туруп рәсмий қәсәмят қилди. Қәсәмни америка алий сотиниң башлиқи вилям ринкивист қобул қилди. Арқидин президент буш рәсмий вәзипә тапшурувелиш нутқи сөзлиди.

Ройтирис агентлиқиниң хәвәр қилишичә, президент буш рәсмий вәзипә тапшурувелиш нутқини сөзләватқан пәйттә, онлиған киши униң иккинчи қетимлиқ президент вәзиписини тапшурувилишиға қарши намайиш өткүзүп, вәзипә тапшурувелис мурасими өткүзүлүватқан җайға бастуруп киришкә тиришқан . Хәвәрдә ейтилишичә, сақчилар намайишчиларни тарқитиш үчүн көздин яш аққузидиған газ ишләткән . (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт