Президент буш, грозийидики демократийилишиш мусаписини махтиди


2005.05.10
Share on WhatsApp
Share on WhatsApp

Америка президенти җорҗи буш, сәйшәнбә күни грозийә пайтәхти тиблистики әркинлик мәйданида сөз қилип, 2003 - йилдики грозийә әтиргүл инқилабини "дуня хәлқиниң әркинлик мәшили болуп қалди," дәп махтиди.

Дуняниң бағдаттин бейрутқичә, бейруттин бешкәккичә үмидвар өзгүрүшләргә шаһид болғанлиқини тәкитлигән президент буш, " биз пүтүн капказийә, оттура асия шундақла оттура шәрқтики яшларниң қәлбидә азадлиқ отиниң ялқунҗаватқанлиқини көрүватимиз," дәп көрсәтти. У "силәрниң җасаритиңлар демократик ислаһатчиларға шундақла пүтүн дуняға "әркинлик йәр шаридики һәр бир дөләт вә һәр бир хәлқниң келәчики болуп қалиду" дегән сигнални бәрди деди.

Президент буш, әтраптики дөләтләрни грозийиниң земин пүтүнликини вә игилик һоқуқиға һөрмәт қилишқа чақирған. Көзәткүчиләр, президент буш бу сөзи русийигә қаритилғанлиқини билдүрмәктә. Грозийиниң абғазийә вә җәнубий оситийә районидики бөлгүнчикләр русийә даирилириниң қоллишиға еришмәктә иди.

Президент буш, грозийиниң явропа җәмийитигә шундақла ш а о ә т ға қатнишиш арзусиға һөрмәт қилидиғанлиқини әскәртип, америка грозийә зиминидики русийә қошунлириниң чекинишини қоллайду, дәп көрсәтти. Грозийә президенти шакашвили, җорҗи бушни йирақни көрүш иқтидариға бай рәһбәр, дәп махтиди. Президент буш, дүшәнбә күни москвада 2 - дуня уруши ғәлибисиниң 60 йиллиқини хатириләш паалийитидин кейин грозийигә барған. Грозийә президенти шакашвели москвадики мурасимға қатнашмиди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.