Prézidént bush asiya ziyaritini bashlidi

• 
  2005-11-14

Amérika prézidénti jurj bush düshenbe küni asiya döletlirige qaratqan sekkiz künlük ziyaritini bashlidi. Jurj bush bu qétimqi ziyariti jeryanida, yaponiye, jenubi koriye, xitay we mongghuliyini ziyaret qilidu.

Prézidént bushning asiya ziyaritidiki tunji békiti yaponiye. U tokyoda yaponiye emeldarliri bilen soda we bixeterlik mesililiri boyiche söhbet élip barghandin kéyin, jenubiy koriyining basan shehiride ötküzülidighan asiya- tinch okyan iqtisadiy hemkarliq teshkilatining bashliqlar yéghinigha qatnishidu.

Xewerlerge qarighanda, prézidént bush yighinda, asiya dölet rehberlirini keng kölemlik qirghinchilik xaraktérlik qorallarni chekleshke küch chiqirishqa, qush zukimining tarqilishigha teyyarliq körüshke shundaqla erkin soda kélishimi söhbitini ilgiri sürüshke chaqiridiken.

Jurj bushning bolupmu xitaygha qilidighan ziyariti nurghun siyasiy analizchilarning diqqitini tartmaqta. (Qanat)