Prézidént bush asiyadiki ziyaritini bashlidi

• 
  2005-11-15

Amérika prézidénti jorji bush, seyshenbe küni yaponiyige yétip kélip, sherqiy asiyadiki yaponiye, jenubiy koriye, xitay we mongghuliyilerge qilidighan ziyaritini bashlidi. U, ziyaret jeryanida jenubiy koriyining bosan shehiride ötküzülidighan asiya - tinch okyan iqtisadi hemkarliq teshkilatining bashliqlar yighinigha qatnishidu.

Küntertip boyiche prézidént bush charshenbe küni yaponiye bash ministiri koyzumi bilen körüshidiken.

Xitay tashqi ishlar ministirliqining bayanatchisi lyu jyenchaw, bushning béyjingni ziyaret qilish jeryanida xitay terep bilen kishilik hoquq mesilisini öz ichige alghan keng témilar boyiche pikir almashturidighanliqini bildürdi.

Lyu jyenchawning eskertishiche, prézidént bush béyjingdiki mezgilide bu yerdiki bir chérkawgha bérip ibadet qilidiken. Aq sarayning meslihetchisi dan bartlét, prézidént bushning ziyaret jeryanida xitay da'iriliri bilen kishilik hoquq mesilisi boyiche sozlishidighanliqini bildürgen.

Merkizi washin'gtondiki Uyghur démokratiye we kishilik hoquqi fondi jem'iyitining ashkarilishiche, mezkur jem'iyetning re'isi rabiye qadir xanim, prézidént bush yolgha chiqishtin ilgiri amérika hökümitige xet yézip, prézidént bushtin Uyghurlargha ölüm jazasi bérish, siyasi mehbuslar, ten jazasi we pilanliq tughut qatarliq mesilisilerde xitaygha bésim ishlitishni telep qilghan. (Erkin)