Америка президенти җорҗ буш бейҗиңға йетип кәлди
Мухбиримиз шөһрәт һошур хәвири
2008.08.07
2008.08.07
Буш бейҗиңға қарап йолға чиқиштин аввал тайландниң банкок шәһиридә сөз қилип, америкиниң, хитайдики инсан һәқлири дәпсәндичиликигә қәтий қарши туридиғанлиқини билдүргән. У сөзидә : " америкиниң хитайни мәтбуат әркинликигә, намайиш әркинликигә вә әмгәк һоқуқиға һөрмәт қилишқа чақириши, бузғунчилиқ қилиш әмәс, бәлки хитайниң йошурун күчини тоғра йолға йетәкләштур" дәп әскәрткән.
Җорҗ буш банкоктики сөзидә йәнә, хитайниң сиясий өктичиләрни, диний затларни вә кишилик һоқуқ паалийәтчилирини тутқун қилишини нуқтилиқ тәнқид қилған. Җорҗ буш қәшқәрдики 4 - авғуст вәқәсидин кейин қилған сөзидә, хитайни бихәтәрликини қоғдашта, күч қоллинишни нормидин ашуривәтмәсликкә чақирған иди.
Хитай бүгүн җорҗ бушни күтүвелиштин аввал, униң банкокта қилған сөзигә инкас қайтуруп, бушни хитайниң ички ишлириға арилашти дәп наразилиқ билдүргән.