Amérika prézidénti jorj bush béyjinggha yétip keldi

Amérika prézidénti jorj bush, béyjing olimpikining échilish murasimigha qatnishish munasiwiti bilen, repiqisi lawra bush we qizi barbara bush bilen birlikte bügün yeni peyshenbe küni béyjinggha yétip keldi.
Muxbirimiz shöhret hoshur xewiri
2008-08-07
Share

 Bush béyjinggha qarap yolgha chiqishtin awwal taylandning bankok shehiride söz qilip, amérikining, xitaydiki insan heqliri depsendichilikige qet'iy qarshi turidighanliqini bildürgen. U sözide : " amérikining xitayni metbu'at erkinlikige, namayish erkinlikige we emgek hoquqigha hörmet qilishqa chaqirishi, buzghunchiliq qilish emes, belki xitayning yoshurun küchini toghra yolgha yétekleshtur" dep eskertken.

Jorj bush bankoktiki sözide yene, xitayning siyasiy öktichilerni, diniy zatlarni we kishilik hoquq pa'aliyetchilirini tutqun qilishini nuqtiliq tenqid qilghan. Jorj bush qeshqerdiki 4 ‏ - awghust weqesidin kéyin qilghan sözide, xitayni bixeterlikini qoghdashta, küch qollinishni normidin ashuriwetmeslikke chaqirghan idi.

Xitay bügün jorj bushni kütüwélishtin awwal, uning bankokta qilghan sözige inkas qayturup, bushni xitayning ichki ishlirigha arilashti dep naraziliq bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet