Bush amérika xelqini iraq mesiliside sewrchan bolushqa chaqirdi

Amérika prézidénti jorj bush seyshenbe küni amérikida téléwiziye nutuqi élan qilip, amérika xelqini döletning iraqtiki qiyinchiliqlarni yéngishige qarita sewrchan bolushqa chaqirdi. Shundaqla u amérika armiyisining hazirche iraqtin chékinish waqit jedwilini békitmeydighanliqini bildürdi.

Amérika birleshme agéntliqining xewirige qarighanda, prézidént bush nutuqida amérikining iraq urushida zor bedel töligenlikini étirap qilghan bolsimu, emma buning erziydighanliqini, chünki buning amérikining kelgüsidiki dölet bixeterlikide muhim rol oynaydighanliqini bildürdi.

Bush sözide amérika xelqining sewrchan bolushini, térrorchiliqqa qarshi urushning axiri choqum ghelibe qilidighanliqini eskertti. Bush yene, iraq armiysining iraqtin chékinish waqit jedwilini békitmeydighanliqini, shundaqla amérikining nöwettiki iraq bixeterlik qismini kücheytish we menggülük iraq démokratik hökümitini berpa qilishqa yardemlishishtek ikki chong istratégiyisini dawamliq yolgha qoyidighanliqini bildürdi.

Emma bushning sözliri, amérikidiki démokratchi partiyining qarshiliqigha uchridi. Ular bushning iraqtiki qiyinchiliqlarni amérika xelqighe eynen uqturushini telep qildi. (Peride)