Jorj bush bilen xu jintaw uchrashti

Béyjingdiki olimpik musabiqisini körüwatqan amérika prézidénti jorj bush yekshenbe küni xitay dölet re'isi xu jintaw bilen körüshti. Amérika awazi radi'osining xewer qilishiche, jorj bush béyjing olimpik yighinining échilish murasimigha ishtirak qilghan hemde yekshenbe küni béyjingdiki katolik chérkawini ziyaret qilip, dini pa'aliyetke qatnashqandin kéyin xu jintaw bilen körüshti.
Muxbirimiz ümidwar xewiri
2008.08.10
Share on WhatsApp
Share on WhatsApp

 Xewerde éytilishiche, prézidént bush bu qétim xu jintaw bilen körüshkende shenbe küni béyjingda bir amérikiliq er ayal we uning yol bashlighuchisining hujumgha uchrap, bir erning öltürülüshi, bashqilarning yaridarlinish weqesini otturigha qoyghan. Xu jintaw özining ölgüchining a'ile - tawabatlirigha chongqur teziyisi hemde bu déloni éniqlashqa yuqiri derijide étibar bérip, munasiwetlik tarmaqlarning tekshürüwatqanliqini bildürgen.

Xitay metbu'atliri we saqchi da'irlirining ashkarilishiche, 9 - awghust küni tang famililik bir xitay béyjing shehiridiki qedimi binani ziyaret qiliwatqan ikki amérikiliq hem ularning yol bashlighuchisigha pichaq bilen hujum qilip, amérikiliq erni öltürgen, ayalini yaridar qilip, kéyin özini binadin tashlap öltürüwalghan idi. Éniqlinishiche, mezkur öltürülgen amérikiliq kishi olimpikke qatnishidighan amérika walibol komandisining meshqawulining tughqini iken.

Bush bilen xuning söhbiti bir qanche sa'etke sozulghan bolup, prézidént bush xu jintawgha dini étiqad erkinlikini tekitlep, her qandaq bir ademning muhebbet bilen tolghan dinning tesir küchidin qorqmasliqi lazimliqini bildürgen. Hazirche söhbetning tepsilati téxi toluq élan qilinmidi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.