Rusiye, chéchenistan pida'iylirining rehbiri arslan meshedofni öltürgenlikini bildürdi


2005-03-08
Share

Rusiye fédéral bixeterlik idarisi seyshenbe küni chéchenistan pida'iylirining rehbiri arslan meshedofni öltürgenlikini bildürdi.

Amérika birleshme axbarat agéntliqining bildürishiche, rosiye döletlik téléwiziyisi arslan meshedof dep qaralghan kishining jesiti tartilghan bir qanche parche resimni körsetken.

Xewerge qarighanda, rusiyining kawkaziye rayonidiki armiyisining bayanatchisi shabalkin, arslan meshedofning rusiye armiyisining chéchenistan paytexti girozni etrapida élip barghan bir qétimliq herbiy herikitide ölgenlikini bildürgen. Emma uning qandaq öltürülgenlikini éytmighan. Prézidént wiladémir putin uning ölümini yenimu ilgirligen halda éniqlashni telep qildi.

Arslan meshedofning londondiki wekilimu, uning öltürülgen bolushi mumkinlikini bildürdi. Biraq u, chéchenistandiki musteqilliq heriketlirining dawamlishidighanliqini tekitlidi.

54 Yashliq arslan meshedof, chéchenistan musteqilliq herikitining rehbiri. U 1994 - yili bashlan'ghan chéchenistan urushida, général dudayéf bilen birlikte, chéchen pida'iylirigha rehberlik qilip, rusiye qoshunini meghlup qilghan. Rusiye chéchenistan'gha qayta qoshun kirgüzgendin kiyin, u chéchenistan ichkiriye jumhuriyitining prézidénti süpitide, musteqilliq urushigha rehberlik qilip kelmekte idi. Gherb siyasiy küzetküchilirining qarishiche, arslan meshedof chéchen musteqilchiliri ichidiki mesilisini siyasiy söhbet yoli bilen hel qilish terepdari.

Rusiye hökümiti arslan meshedofni yéqinqi yillarda yüz bergen bir yürüsh térrorluq weqelirige yitekchilik qilghan dep eyibligen. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet