Rusiye parlaménti xitaygha yer bérish kélishimini testiqlidi

• 
  2005-05-22

Rusiyining intérfakis agéntliqining uchirigha qarighanda, 20-may küni rusiye dölet mejlisi rusiye bilen xitay arisidiki dölet chégrisi shertnamisining qoshumche kélishimini testiqlidi.

2004-Yili imzalan'ghan mezkur kélishim yiraq sherqtiki üch aral mesilisige a'it bolup, ilgiri talash-tartish üstide bolup kelgen chong ussuriysiky, tarabarow qatarliq bu arallarning yérimi xitaygha bérilidiken.

Rusiye dölet mejlisi 226 awaz bilen 80 qarshi awazni yéngip, mezkur kélishimni testiqtin ötküzdi.

Chong ussuriysiky arili amur deryasi bilen ussuriy deryasi tutishidighan jayda bolup, uning rusiyining xabarowisky shehiri bilen bolghan ariliqi 30 kilométir etrapida .

Kélishimge bina'en aralning 337 kwadrat kilométir kélidighan qisimi xitaygha bérilidighan bolup, bu jaydiki rusiye puqraliri köchürülidu.

Rusiye hökümitining bu arallarni xitaygha bérishige razi bolghanliq heqqidiki xewer peyda bolghandin kéyin, rusiye jemiyitide qattiq naraziliqlar shekillen'gen bolup, xabarowisky shehiride bir qanche yüz kishi naraziliq namayish ötküzgen.

Xewerlerge qarighanda yéqinqi yillardin buyan rusiyining yiraq sherqidiki ahalilarda xitay tehdidi idiyisi küchüyüp ketken iken. (Ümidwar)