Һиндистан баш министири манмуһан синх хитайни зиярәт қилди


2008-01-15
Share

Һиндистан баш министири синх бейҗиңдә елип барған үч күнлүк зияритини ахирлаштурди. Сингир хитайниң юқири дәриҗилик әмәлдарлиридин ху җинтав вә вен җябавлар билән айрим ‏- айрим көрүшүп, икки тәрәпниң истиратегийилик һәмкарлиқ мунасивитини йәниму тәрәққи қилдуруш үчүн ортақ тиришчанлиқ көрситишни тәшәббус қилди.

Хитай дөләт рәиси ху җинтав ": гәрчә бу қетимқи зиярәт наһайити қисқа болған болсиму, бирақ нәтиҗилик болди" деди . Бу арида хитай ташқи ишлар министирлиқиниң баянатчиси чиң гаң " һиндистан министири сингирниң зиярити, икки тәрәп мунасивитиниң давамлишишида муһим рол ойнаш билән тәң, икки дөләтниң кәлгүсидики тәрәққияти үчүн интайин әһмийәтлик " дәп билдүрди.

Синх 5 йилдин буянқи, тунҗи қетим хитайға зиярәткә кәлгән һиндистан баш минстири һесаблиниду. 1962 ‏- Йили һиндистан хитай оттурисида партлиған чегра талишиш урушидин кейин, икки тәрәп оттурисидики бу ихтилап һазирға қәдәр һәл болмай кәлмәктә. Сингир сөзидә йәнә икки тәрәпниң 2005 ‏- йили бирликкә кәлгән принсип буйичә һәр икки тәрәп қайил болидиған чариләрни ишқа селип мәсилини һәл қиллалайдиғанлиқиға ишәнчи бар икәнликини билдүрди.

Икки тәрәп , сода, ениргийә вә муһит қатарлиқ саһәләр буйичә техиму көп һәмкарлиқ елип бериш тәшәббүслирини билдүрди.

Бу арида хитай мәтбуатлирида һиндистанниң 2009 ‏- йили тунҗи қетим қитәләр ара учидиған башқурулидиған бомба синиқи елип баридиғанлиқи вә мәзкүр бомбиниң етилиш мусаписи яврупаға йетидиғанлиқи елан қилинди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт