Alatawda ölchemge yetmigen xitay chish pastiliri ékisport qilishtin cheklendi


2007-07-19
Share

Alataw portidin chet'ellerge ékisport qilinmaqchi bolghan 10 ming yeshikke yéqin chish pastisi, ölchemge yetmey qayturuwétilgen.

Xitay axbarat wastilirining peyshenbe küni bergen xewerlerdin ashkarilinishiche, alataw tamozhnisi 21 aptomobildiki chish pastisi üstide tekshürüsh élip bérip, chish pastilirida di'étilén glikol ölchemdin éship kétish ehwalini bayqighan.

Xitayda ishlepchiqirilghan chish pastiliridin zeherlinishtin kélip chiqqan ölüm weqeliri, xitayning xelq'ara soda baziridiki abroyini yerge urdi. Oxshashla ékisport qilin'ghan xitay yémeklikliride bayqalghan zeherlik maddilar, süpet ölchimige yetmeslik ehwalliri, xelq'ara jama'etchilikning xitay mehsulatlirigha bolghan ishenchisini yoqatti.

Nöwette xitay da'iriliri xelq'ara bazardiki ornining üzlüksiz selbiy tesirlerge uchrishining aldini élish üchün, ékisport qilinidighan mehsulatlargha qaratqan tekshürüsh xizmitini kücheytmekte.

Biraq Uyghur analizchiliri, ölchemdin ötmigen 10 ming yeshikke yéqin chish pastisining iqtisadiy ziyanni qolgha keltürüsh meqsitide Uyghur ilidiki istimalchilargha sétilish éhtimalliqidin endishe qilmaqta. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet