Xitay amérika besh burjeklik binasining kompyutor sistémisigha hujum qilghanliqini inkar qildi


2007-09-04
Share

Amérikining besh burjeklik binasi yeni dölet mudapi'e ministirliqining kompyutérigha xitay xakkérining hujum qilghanliqi heqqidiki eyiblishige qarita xitay hökümiti seyshenbe resmiy inkas qayturup ,amérikining bu eyiblishini ret qildi.

Bu heqte bayanat bergen xitay tashqi ishlar bayanatchisi jyangchi " amérikining bu eyiblishi pütünley asassiz , eksiche , junggo xakkérlarning hujumigha uchrap kelmekte" dégen. Melum bolushiche, bu yil 6 - ayda amérika besh burjeklik binasi kompyutor sistémisining bir qismi hujumgha uchrighan.

Bu peytte amérika mudapi'e ministirliqi xitay herbiy da'irilirining mexsus intérnét wiruslirini tüzep xaklash heriketlirini élip baridighan bir qisimni teyinligenlikini otturigha qoyghan emma xitay buni inkar qilghan hemde bu intérnét meshghulat qismining peqet mudapi'elinish zörüriyiti üchün tesis qilin'ghanliqini bildürgen idi.

Emma , amérika hawa armiyisining yuqiri derijilik bir herbiy emeldari," amérikigha qarshi iranni öz ichige alghan düshmen küchler , intérnét arqiliq amérikining herbiy hem iqtisadi mexpiyetliklirini oghrilashqa urunup kelmekte . Emma peqet xitayningla bundaq qilish iqtidari bar" dégen.

En'giliye b b s radi'o ‏- téléwiziye torining xewiride körsitishiche , jyangchi yene" junggo hökümiti xakkérlarni öz ichige alghan intérnét tori jinayi heriketlirige qattiq zerbe bérip kelmekte, amérika bilen junggo arisida hemkarliqlarni kücheytiwatqan peytte , amérikining dölet mudapi'e ministirliqimizgha junggo herbiy da'irliri xakir arqiliq hujum qildi dep körsitishi , soghaq urush meydanida turup töhmet qilghanliq" dep qattiq inkas qayturghan.

Buning aldida gérmaniyining dölet mexpiyetlikini qoghdash da'iriliri , gérmaniye hökümet kompyotér sistémisida xitaydin kelgen xakkéirlar bayqalghanliqini élan qilip , xakkérlarning xitay herbiy da'iriliri bilen munasiwetlik ikenliki éniqlan'ghanliqini bildürgen idi . Emma xitay da'iriliri 26 ‏- awghust bunimu inkar qildi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet