Kiristofér simis: "xitayning Uyghurlargha qaratqan pilanliq tughut siyasiti érqiy qirghinchiliq tüsini alghan"

17 -Séntebir chüshtin kiyin amérika awam palatasida échilghan yighinida , xitay hökümitige bésim ishlitidighan497- nomurluq qarar élindi.

Mezkur qarar heqqidiki munazire jeryanida , awam palata ezasi kiristofér simis xitayning Uyghurlargha qaratqan mejburiy pilanliq tughut siyasitini tenqid qilip " xitay hökümitining Uyghurlargha qaratqan pilanliq tughut siyasiti érqiy qirghinchiliq sheklide élip bériwatqan bolup , pütün bir milletni yoqitishni meqset qilghan " dep körsetti.

Awam palata ezasi kiristofér sims ependi tünügünki yighin jeryanida yene , xitay hökümitining rabiye qadir perzentlirini qoyup bérishi kérekliki heqqide qilghan sözide " biz bügün gheyretlik emma qelbi chongqur azabqa tolghan bir anining 'balilirimni qoyuwet' dégen nidasigha jör bolimiz" dédi.

Düshenbe küni palata ezaliridin rus- lehtinén xanim, tam lantos ependi, indi'an wekili burton ependi,qatarliqlar teripidin teyyarlinip, amérika awam palatasi tashqi ishlar komitétigha sunulup maqullan'ghan 497 - nomurluq qararda "awam palata ezaliri , xitay hökümitidin Uyghurlarning til, medeniyet, we diniy hoquqlirini nezerge élish we ulargha choqum kapaletlik qilish, rabiye qadir xanimning perzentlirini derhal qoyup bérish hemde uning perzentlirige bolghan nezerbend qilishni derhal ayaghlashturush we kanada puqrasi höseyin jélilni derhal qoyup bérip a'ilisi bilen jem qilish qatarliqlar telep qilghan idi.

Nöwette mezkür qarar layihisining maqullinishi amérika we xeliq'ara axbaratlarda Uyghur mesilisining yene bir qétim yuqiri rewishte gewdilinishige seweb boldi . Bügün dunya Uyghur qurultéyi amérika awam palatasining Uyghurlar heqqide bu qétim alghan mezkür qararini qizghin alqishlap " bu Uyghur milliy herikiti rehbiri , animiz rabiye qadirning ghelbisi shundaqla Uyghur milliy dawasining xelq'ara sehnide chong bir qedem ilgiriligenliki " dep baha berdi. (Gülchéhre)