Xitay b d t qisimlirini darfur rayonigha ewetish mesiliside nazliniwatidu


2006-05-09
Share

Junggo hökümiti seyshenbe küni sudanning darfur rayonigha b d t tinchliq saqlash qisimlirini orunlashturush pilanigha ipade bildürmidi. Lékin darfur rayonida tinchliqning eslige kélishini xalaymiz, dep körsetti. Xitay tashqiy ishlar ministirliqi bayanatchisi lyu jyenchaw, seyshenbe küni muxbirlargha " junggo terep xelq'ara jem'iyet bilen darfur rayonida omumyüzlik tinchliqni emelge ashurush üchün izchil xizmet qilidu " dep tekitligen bolsimu, lékin junggo hökümiti amérikining darfurgha b d t qisimlirini orunlashturush pilanini qollamdu, dégen su'algha jawap bermidi.

Amérika sudanning darfur rayonida yerlik afriqiliqlargha qarshi élip bérilghan qirghinchiliqni " étnik tazilash" dep atighan. Sudan hökümiti bilen darfurdiki partizan küchler ötken jüme küni amérika we afriqa ittipaqining salachiliqi astida kélishim imzalidi. Buning bilen ézidént bush düshenbe küni amérikining darfur rayonigha b d t qisimlirini orunlashturush toghrisida xewpsizlik kéngishige teklip layihisi sunidighanliqini jakarlidi.

Hazir xitayning jenubiy sudan rayonida 450 kishilik tichnliqni qoghdash qisimi bar. Amérikining xewpsizlik kéngishige yollighan teklip layihisi jenubiy sudandiki b d t qisimlirini darfurgha orunlashturushni öz ichige alidu. Bu xitayning jenubiy sudandiki 450 kishilik qoshunini darfur rayonigha yötkesh mumkinchiliki peyda qilishi mumkin. Lékin xitay sudan hökümitining eng chong qoral - yaraq bilen teminligüchisi we sudan néfitining eng chong xéridari.

Darfurgha b d t qoshunlirini orunlashturush mesiliside xitayning meydani muhim rol oynaydu. Chünki xitay yéqinda xewpsizlik kéngishining 4 neper sudan emeldarigha sayahet imbargosi qoyush qararini ret qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.