En'giliye parlamént ezaliri xitaydin darfur mesiliside yardemchi bolushni telep qildi


2007.10.29
Share on WhatsApp
Share on WhatsApp

Xelq'ara kishilik hoquqi teshkilatlirining ashkarilishiche, en'giliye parlaméntining 100 din artuq ezasi xitay dölet re'isi xu jintawgha xet yézip, xitaydin darfurdiki toqunushni hel qilishta téximu chong mes'uliyetni üstige élishni telep qilghan. Xette, xitayni sudan'gha qoral - yaraq sétip bérish siyasitini qayta közdin kechürüshke chaqirghan bolup, xitayning béyjing olimpik yighinidin burun yardem bérishini otturigha qoyghan.

Xelq'ara krizis herikiti teshkilatining eskertishiche, en'giliye parlamént ezalirining xéti düshenbe küni bir guruppa parlamént ezaliri teripidin xitayning londondiki bash elchixanisigha tapshurulghan. Parlamént ezaliri xette, xitayning sudan hökümitini janjawidlarni qollashtin waz kéchish, insanperwerlik yardimi, urush toxtitish kélishimige hörmet qilish, janjawidlarni qoralsizlandurush we xelq'ara sot bilen hemkarlishish qatarliqlar mesililerde qayil qilalaydighan achquchluq dölet ikenlikini tilgha alghan.

Xette mundaq deydu, " biz yene xitayning sudan hökümitige qoral - yaraq sétish, teminlesh we maliye yardimi bérish siyasiti darfurdiki bixeterlik krizisigha töhpe qoshqan yaki qoshmighanliqini qayta közdin kechürüp chiqishini ümid qilimiz."

Xette béyjing olimpik yighinini ima qilip," eger xitay hökümiti 2008 ‏- yilliq olimpik yighinining sahipxani süpitide sudan hökümitige bésim ishletse, olimpik rohini namayen qilghan bolidu " dep tekitligen. Sudanning darfur rayonidiki yerlik afriqiliqlar 2003 ‏- yili sudan hökümitige qarshi isyan kötürgendin béri, 200 ming adem öldi, 2 yérim milyon kishi öy - makansiz qaldi. (‏Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.