2005 -Yilliq "démokratiye" mukapati 3 neper afghanistanliqqa bérildi


2005-07-14
Share

Merkizi amérikining washin'gton shehiridiki amérika démokratiyini ilgiri sürüsh komitéti 14 - iyul küni 2005 - yilliq démokratiye mukapatini 3 neper afghanistanliq démokratiye pa'aliyetchisige berdi.

Mukapat tarqitish murasimigha amérika parlaméntidiki bir qisim ezalar hemde amérika dölet mejlisi kéngesh palata ezasi hilléri klinton xanim qedem teshrip qildi. Murasimigha yene, meshhur Uyghur kishilik hoquq pa'aliyetchisi rabiye qadir xanim we amérika Uyghur birleshmisining rehberlirimu qatnashti.

Amérika dimokratiyini ilgiri sürüsh komitéti "démokratiye" mukapatini bergen bu 3 kishi, afghanistanning démokratiyige qedem qoyushigha asas salghan we afghan xelqining kishilik hoquqini qolgha keltürüsh üchün xizmet körsetken afghan ma'arip inistitutining qurghuchisi sekine yaqubi, afghan tereqqiyat fondining dériktori muhemmed nasib, afghan hemkarliq merkizining re'isi sarwar huseyin qatarliqlar.

Bu murasimda, amérika démokratiyini ilgiri sürüsh komitétining prézidénti karl gérishman ependi söz qilip, rabiye qadir xanimni alahide tilgha aldi. U sözide, "kishilik hoquq pa'aliyetchisi rabiye xanimning xitay türmisidin qutulup, arimizda biz bilen birge bolushi kishini tolimu xushal qilidu" dédi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet