Дисний ширкити хитайниң мәтбуат бәлгилимилиридин нарази болмақта

• 
  2005-09-12

Хоңкоңда дүшәнбә күни йеңи дисний бағчиси ечилған бир пәйттә, волит дисний ширкити, хитай һөкүмити диснийниң программлирини чәклимисиз һалда теливизорларда қоюшқа йол қоймиғичә, хитайда десний бағчиси қурмайдиғанлиқини билдүрди.

Ню йорк вақти гезитиниң хәвиригә қариғанда, десний ширкитиниң бу қаттиқ позитсийиси чәтәл учур вастә ширкәтлириниң хитай һөкүмитиниң бу йил 8 - айда чиқарған чәтәл учур вастә ширкәтлириниң программилирини чәкләш һәққидики бәлгилимисидин нарази болғанлиқидин дерәк беридикән.

Хитай мәдәнийәт вә тәшвиқат министирлиқи йеңи бәлгилимисидә, чәтәлниң тәсирини азайтиш үчүн десний қаналиға охшаш чәтәл теливизорлириниң программлирини чәклигән. Һәмдә чәтәл ширкәтлириниң хитайда кино вә теливизор программлирини ишлишини қийинлаштурған иди.

Хәвәргә қариғанда, шаңхәй шәһири йеқинқи йиллардин бери, десний бағчиси ечиш йолида издиниватқан болуп, волт десний ширкити билән бу һәқтә көп қетим сөһбәт өткүзгән .

Әмма десний ширкитиниң рәиси роберт игир бу һәқтә бәргән баянатида, "бизниң шаңхәйдә десний бағчиси қурушни ойлишишимиз үчүн, алди билән бизниң программилиримиз хитай телвизорлирида әркин қоюлуши керәк" деди. (Арзу)