Dunya bankisi xitay heqqidiki doklatining üchtin bir qisim mezmunini chiqiriwétishke mejbur boldi


2007-08-17
Share

Chet'el metbu'atliri dunya bankisi yéqinda élan qilghan xitayning muhit ehwali heqqidiki doklatining üchtin bir qisim mezmunini xitay hökümitining bésimi astida chiqiriwétishke mejbur bolghanliqini xewer qildi. Doklatning chiqiriwétilgen mezmunida körsitilishiche, xitayda her yili hawaning bulghinishi sewebidin 650 mingdin 700 mingghiche adem ejilidin burun ölmekte.

En'giliye "pul - mu'amile" gézitining bu heqtiki xewiride, dunya bankisi élan qilghan "xitayning muhit bulghinish ehwali" dégen doklatta, xitayda her yili hawa we suning bulghinishi keltürüp chiqarghan iqtisadiy ziyan 100 milyard dollargha yétidighanliqini, bu xitayning ichki ishlepchiqirish omumi daramitining 8.5 Pirsentini igileydighanliqini ilgiri sürgen. Doklatning chiqiriwétilgen mezmuni asasliqi sheherlerning hawa bulghinish ehwaligha munasiwetlik bolup, doklatta, xitaydiki sheherlerning özidila hawa bulghinish tüpeyli ejilidin burun ölidighan ademler heryili 350 mingdin 400 mingghiche ikenliki, yene 300 ming kishining ishxana yaki üsti yépiq jama'et sorunliridiki hawa bulghinish sewebidin ölidighanliqini tekitligen. Buningdin sirt doklatta yene, xitayda her yili 60 ming adem su terkibidiki zeherlik maddilar sewebidin ashqazan raki, jiger raki qatarliq her xil rak késellikliride ölidighanliqini yazghan.

" Pul - mu'amile" gézitining xewiride, xitay hökümiti dunya bankisining doklatidiki bu mezmunlar élan qilinsa, xitayda ijtima'iy muqimsizliq yaritishidin ensirep, dunya bankisini doklattiki bu mezmunlarni chiqiriwétishke qistighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet