Д у қ, б д т кишилик һоқуқ кеңишидин хитайниң кишилик һоқуқ хатирисини тәкшүрүшни тәләп қилди

• 
  2006-06-22

Дуня уйғур қурултийи баянатчиси дилшат ришит, бирләшкән дөләтләр тәшкилати, кишилик һоқуқ кеишиниң йиғини давамлишиватқан пәйттә, ахбарат саһәсигә баянат елан қилип ,мәзкүр кеңәшниң уйғурларниң кишилик һоқуқ мәсилисгә көңүл бөлүшини тәшәббүс қилди.

Ройетрс агентлиқиниң 22 ‏- июн күни бәргән хәвиригә қариғанда, бирләшкән дөләтләр тәшкилатиниң , кишилик һоқуқ кеңиши йиғини 19 ‏- июн күни башлинип, 5 һәптә давамлишиду , дуня уйғур қурултийи мәзкүр тәшкилатқа мәктүб йоллап, уйғурларниң нөвәттики вәзийити, болупму уйғурларниң сиясий һоқуқи, кишилик һоқуқи, диний әркинликиниң хитай һөкүмити тәрипидин еғир дәриҗидә дәпсәндичиликкә учраватқанлиқини йеқиндин күзитип, уйғур хәлқиниң мәзкүр һоқуқлириниң әслигә келиши үчүн ярдәм беришини тәләп қилди.

Хитайниң , бирләшкән дөләтләр тәшкилати, кишилик һоқуқ кеңишигә йеңи әза болуп қошулғанлиқиға наразилиқ билдүргән дилшат ришит йәнә":хитай һөкүмити террорчилиққа зәрбә бериш баһанисида уйғурларниң сиясий өктичилирини , диний өлималарни , ахбаратчиларни вә дәвагәрләрни қолға елиш‏ - бастуруштәк зиянкәшликлирини давамлаштуруп келиватиду , һәтта бу җәһәттики қилмишлири күндин - күнгә еғирлишиватиду, шуңа бирләшкән дөләтләр тәшкилати кишилик һоқуқ кеңиши, хитайниң кишилик һоқуқ хатириси үстидә тәкшүрүш елип бериши керәк" деди. (Әқидә)