D u q, b d t kishilik hoquq kéngishidin xitayning kishilik hoquq xatirisini tekshürüshni telep qildi

• 
  2006-06-22

Dunya Uyghur qurultiyi bayanatchisi dilshat rishit, birleshken döletler teshkilati, kishilik hoquq kéishining yighini dawamlishiwatqan peytte, axbarat sahesige bayanat élan qilip ,mezkür kéngeshning Uyghurlarning kishilik hoquq mesilisge köngül bölüshini teshebbüs qildi.

Royétrs agéntliqining 22 ‏- iyun küni bergen xewirige qarighanda, birleshken döletler teshkilatining , kishilik hoquq kéngishi yighini 19 ‏- iyun küni bashlinip, 5 hepte dawamlishidu , dunya Uyghur qurultiyi mezkür teshkilatqa mektüb yollap, Uyghurlarning nöwettiki weziyiti, bolupmu Uyghurlarning siyasiy hoquqi, kishilik hoquqi, diniy erkinlikining xitay hökümiti teripidin éghir derijide depsendichilikke uchrawatqanliqini yéqindin küzitip, Uyghur xelqining mezkür hoquqlirining eslige kélishi üchün yardem bérishini telep qildi.

Xitayning , birleshken döletler teshkilati, kishilik hoquq kéngishige yéngi eza bolup qoshulghanliqigha naraziliq bildürgen dilshat rishit yene":xitay hökümiti térrorchiliqqa zerbe bérish bahanisida Uyghurlarning siyasiy öktichilirini , diniy ölimalarni , axbaratchilarni we dewagerlerni qolgha élish‏ - basturushtek ziyankeshliklirini dawamlashturup kéliwatidu , hetta bu jehettiki qilmishliri kündin - kün'ge éghirlishiwatidu, shunga birleshken döletler teshkilati kishilik hoquq kéngishi, xitayning kishilik hoquq xatirisi üstide tekshürüsh élip bérishi kérek" dédi. (Eqide)