Amérika apetke uchrighan rayonlarni qutquzushqa 10 milyard dollar ajratti

Prézidént jorji bush, amérikining méksika qoltuqidiki apetke uchrighan rayonlarni qutquzushqa 10 milyard dollar ajratqandin kéyin, kéngesh palatasi peyshenbe küni kechte jiddi toplinip, prézidént bushning jiddi qutquzush lahiyisini maqullidi. Awam palatasi bu lahiyini bügün awazgha qoyidu.

Bush, jüme küni apet yüz bergen rayonlardiki alabama, lu'iziyana we missisipi shtatlirini közdin kechürdi. U, aldinqi küni sabiq prézidéntlar bil klinton bilen dadisi jorji bushni aq saraygha chaqirip, i'ane toplash mesilisini meslihetleshken. Bu qétimqi apet amérika tarixidiki eng zor apetlerning biri bolup hésablinidu.

Prézidént bush apet rayonining qayta qurulushigha nechche yillar kétidighanliqini étirap qildi. Bu jeryanda apet rayonidiki qutquzush herikiti qanat yéyiwatidu. Puqralar aptobuslar bilen bixeter rayonlargha tarqaqlashturulmaqta. Emma apetke uchrighan puqralar qutquzush herikitining astiliqidin narazi. Bolupmu yéngi orlyan shehiridiki puqralarni tarqaqlashturush mesilisi qiyinchiliqqa uchrimaqta.

Prézidént bush ularni sewrchan bolushqa chaqirdi. Bu arida binzinning bahasi örlep ketkenliktin bush bénzin bilen teminlesh izigha chüshkiche, puqralarni téjeshlik bolushqa ündigen. (Erkin)