Se'udi erebistanda tünji qétim memliket xaraktérlik saylam élip bérildi


2005-02-10
Share

Se'udi erebistanning paytexti riyad shehiridiki kishiler peyshenbe küni tünji qétim sheherlik kéngesh ezaliri saylimi élip bardi. Bu se'udi erebistanning démokratik tüzülmini qubul qilish tirishchanliqining bir qismi dep qaralmaqta.

Gherb metbu'atlirining xewerlirige qarighanda, bu qétimqi saylam jem'iy üch basquchqa bölüp élip bérilidighan bolup, aldi bilen riyad shehiri we uning etrapida ötküzülgendin kiyin, andin kéyinki üch ay ichide bashqa rayonlarda tertip bilen élip bérilidiken.

Saylamda xelq , kéngesh ezalirining yérimini saylap chiqsa, qalghan yérimini we her qaysi sheherlerning sheher bashliqlirini se'udi padishahliqi teyinleydiken.

Xewerlerge qarighanda, saylamgha ayallar qatnashturulmighan. Töt milyon nopusqa ige riyad rayonidiki saylamda, bélet tashlash hoquqigha ige 600 ming erning ichide aran 149 mingi saylamgha tizimlatqan . Shundaq bolishigha qarimastin, gherb metbu'atliri uzundin buyan padishahliq tüzümni yürgüzüp kéliwatqan se'udi erebistan üchün éytqanda, bu qétimqi saylam se'udi tarixidiki bir burulush nuqtisi dep baha bermekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet