Amérika tashqi ishlar ministirliki diniy erkinlik doklatini élan qildi

Amérika tashqi ishlar ministirliki charshenbe küni diniy erkinlik doklatini élan qilip, xitaydiki diniy erkinlik weziyitini ashkarilidi we xitayni bu heqte eyiplidi.

Mezkür doklat xitay, xongkong, makaw, teywen, tibet , Uyghur we falun'gong qatarliqlargha a'it mezmunlarni öz ichige alghan bolup, uning Uyghurlar heqqide toxtalghan qismida, xitaydiki Uyghur musulmanliri weziyitining tungganlarningkidin köp nachar ikenliki otturigha qoyulghan.

Uningda yene, xitay hökümitining Uyghurlargha diniy jehettin köp cheklime qoyup, hökümet xadimliridin sirt, balilar hetta oqughuchi-oqutquchilarning erkin diniy pa'aliyet bilen shoghullunishigha yol qoymaydighanliqi körsitilgen.

Doklatta körsitilishiche yene, xitay hökümiti bölgünchi, térrorchi we diniy radikal dégen bahanilar bilen Uyghur musulmanlirining diniy pa'aliyetlirini basturup kelgen. Amérika tashqi ishlar ministiri kolin powél bu munasiwet bilen muxbirlarni kütiwélish yighini chaqirip, muxbirlarning bu heqtiki su'allirigha jawap berdi. (Peride)