Dunya buyiche eydiz yuqumliri sani töwenlidi


2007.11.20
Share on WhatsApp
Share on WhatsApp

Birleshken döletler teshkilati xelq'ara sehiye teshkilatining2007 - yildiki eydiz yuqum ehwali heqqide élan qilghan sitatistikiliq doklatidin melum bolushiche, gerche nöwette pütün yer shari buyiche künige 6ming 800 adem eydiz wirusi bilen yuqumliniwatqan bolsimu, emma sanliq melumatlar yenila dunya eydiz yuqumdarliri sanining ilgiriki 40 milyondin 33milyon'gha töwenligenlikini körsetken.

2007 - Yili texminen yéngidin ikki yérim milyon kishi eydiz késili wirusi bilen yuqumlinip, ikki milyon 100 ge qeder kishi eydiz késili seweblik ölgen.

Sehiye teshkilatining bildürüshiche, yéngidin eydiz késili wirusi bilen yuqumliniwatqanlar sani töwenligendin bashqa, eydiz késili bilen ölgüchiler saniningmu oxshashla töwenligenliki bayqalghan.

Afriqining eydiz yuqum ehwali yenila hemmidin éghir, emma asiya qit'esining bezi jayliri bolsa eydiz eng téz yamrawatqan jaylargha aylan'ghan.

Xitay bolsa dunya buyiche eydiz yuqum ehwali éghir döletlerning biri jümlidin Uyghur élide eydiz bir qeder kéyin bayqalghan bolsimu, emma mushu on yil ichide xitay buyiche eydiz wirusi eng téz tarqiliwatqan jaygha aylandi. Xitay da'irilirining ikki hepte burun xewer élan qilishiche, 1995- yilidin buyan hazirgha kelgüche Uyghur ili eydiz yuqum ehwalida izchil örlesh körülgen bolup,, 2005- yili 9- aydin 2006- yili 9 ‏- ayghiche Uyghur élide yéngidin eydiz wirusi bilen yuqumlan'ghan kishi sani 6000 gha yétip yuqum ehwali künige 17 kishidin toghra kelgen. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.