Azerbeyjan b d t din nagarno-qarabagh mesilisini muzakire qilishni telep qildi


2008-02-27
Share

Kosowa musteqilliq élan qilghandin kéyin, nagorno-qarabagh mesilisi qaytidin kötürüp chiqilmaqta. Amérika awazining bayan qilishiche, azerbeyjan yéqinda b d t gha nagorno-qarabagh mesilisi heqqide qarar layihisi yollap, buni bu yil 9 ‏- ayda échilidighan b d t yighinida muzakire qilip, hazir erminiye kontrol qilip turuwatqan nagorno-qarabagh rayonini ezerbeyjanning zémini dep étirap qilishni telep qildi.

Xewerde bayan qilinishiche, rusiye siyasetshunasi sarin ependi nagarno-qarabagh mesilisi rayon xaraktérlik toqunush, uni kosowa mesilisi bilen oxshash mesile dep qarashqa bolmaydu, dep mulahize qilghan.

Xewerde bayan qilinishiche, sowét ittipaqi dewride, nagarno -qarabagh rayoni islam dinidiki ezerbeyjanning bir aptonom oblasti idi. Emma uningdiki nopusning köp sanliqini ortadokis dinigha étiqad qilidighan erminiyilikler teshkil qilatti. 1988 ‏- Yili sabiq sowét ittipaqi gumran bolush aldida turghanda, bu rayondimu toqunush yüz bergen idi. 1991

‏- Yili bu rayonda pütün xelq awaz bergende, nagarno-qarabagh rayonining azerbeyjandin ayrip musteqil bolushini quwetleydighanlar köp sanliqni igilidi. Shuningdin kéyinla azerbeyjan bilen erminiye otturisida keng kölemlik herbiy toqunush yüz berdi. Toqunushta erminiye yéngip chiqip, nagorno-qarabagh rayoni we uning etrapidiki jaylardin bolup jem'i 7 jayni kontrol qildi.

Shu qétimqi toqunushta 25 ming adem hayatidin ayrildi, texminen 10 ming ezerbeyjanliq musapir boldi. 1994 ‏- Yili ikki terep urush toxtitish kélishimi imzalidi. Hazir azerbeyjan gherb ellirini yaqlaydu, natogha eza bolup kirishni arzu qilidu, emma kosowaning musteqilliqini qollimaydu. Erminiye bolsa kosowaning musteqilliqini qollaydu, emma rusiyining ittipaqdishi bolushni we rusiyining esker turghuzushini dawamlashturidu. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet