Америкиниң сабиқ президенти фордниң иш излири хатириләнди


2007.01.03

Бүгүнки америка гезитиниң хәвәр қилишичә, 1 ‏- айниң 2 ‏- күни вашингтонда, америкиниң сабиқ президенти гералд форд әпәнди үчүн матәм мурасими өткүзүлгәндин кейин, униң җәсити өз юрти болған мишигин штатиға елип берилип, өзиниң президент музийидики шәхсий қәбригаһиға дәпнә қилинди. 93 Йешида аләмдин өткән америкиниң 38 ‏- қетимлиқ президенти гералд форд әпәндини хатириләш паалийитигә һазирқи америка президенти җорҗи буш вә һаят сабиқ президентләрдин картер, буш, клинтонларни өз ичигә алған 3000 дин артуқ адәм қатнашти.

Кәмтәр, адди -садда, растчил пәзиләтлик форд әпәнди гәрчә аран икки йерим йил вәзипә өтигән болсиму, әмма у қисқиғина вақит ичидә совет иттипақи билән уруш қораллирини контрол қилиш, кишилик һоқуқ келишимлири түзүп соғуқчилиқ урушини ахирлаштурушта вә җәнубий африқида көп санлиқни тәшкил қилидиған қара тәнликләрниң сиясий орнини әслигә кәлтүрүштә өзиниң батурлиқини вә әқил параситини намаян қилған иди. У дөләт ичидә сабиқ президент никсонниң сиясий һәвәслирини әйибләшни кәчүрүм қилғанлиқи сәвәбидин, 1976 ‏- йилидики сайламда демократлар тәрипидин мәғлуп қилинған болсиму, әмма бу қетим униң әйни вақитта дөләт ичидики зиддийәтләрни һәл қилған бу мәшһур төһписи алаһидә хатириләнди. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.