Франсийә хитайға икки ядро реактори ясап бәрмәкчи


2007-11-26
Share

Хитайда һөкүмәт зияритидә болуватқан франсийә президенти николас саркозий, хитай билән 30 милярд доллар қиммитидики сода келишими һасил қилған болуп, мәзкур келишимдә, франсийигә җайлашқан айрбас реактип йолучилар айропилани ясаш ширкити хитайға 160 данә йолучилар айропилани сетип бериш вә франсийә һөкүмәт игидарчилиқидики ядро енергийә қурулуш ширкити - арева хитайға икки ядро реактори ясап бериш бекитилгән.

Франсийә ядро ширкити җәнубий хитайда ясимақчи болған реактор кәлгүси 6 йил ичидә тамамлинип 2014- йилиға кәлгәндә ток чиқиришқа башлайдикән.

Франсийә президенти саркозийниң бу нөвәтлик хитай зиярити у һоқуқ игилигәндин кейинки тунҗи асия зиярити болуп, у бейҗиңда хитай рәһбәрлири билән сөһбәт өткүзүп болғандин кейин, шаңхәй шәһиригә берип хитайниң сода саһәси билән учришиду.

Бәзи тәнқидчиләр саркозий әпәнди бу нөвәтлик хитай зияритидә, хитайниң начар кишилик һоқуқ хатирисини яхшилаш вә өлүм җазасини кемәйтиш җәһәттә хитайға көпрәк бесим ишлитиши керәк иди дәп қарашмақта.

Б б с да көрситилишичә, франсийә президенти саркозий әпәндиниң бу нөвәтлик хитай зияритигә һәмраһ болуп кәлгән министирлар ичидә франсийә кишилик һоқуқ министири йоқ икән.

Мәлум болушичә, саркозий әпәнди бу нөвәтлик хитай зияритиниң муһим нуқтисини хитай билән елип берилидиған сода келишимгә тиккән болуп, у хитай орунлаштурған һөкүмәт зияпити җәрянида, хитайниң өлүм җазасини кемәйтиши һәққидә тохталған болсиму, хитайниң начар кишилик һоқуқ хатириси мәсилисидә көп тохталмиған. (Җүмә‏)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт