Fransiye xitaygha ikki yadro ré'aktori yasap bermekchi


2007-11-26
Share

Xitayda hökümet ziyaritide boluwatqan fransiye prézidénti nikolas sarkoziy, xitay bilen 30 milyard dollar qimmitidiki soda kélishimi hasil qilghan bolup, mezkur kélishimde, fransiyige jaylashqan ayrbas ré'aktip yoluchilar ayropilani yasash shirkiti xitaygha 160 dane yoluchilar ayropilani sétip bérish we fransiye hökümet igidarchiliqidiki yadro énérgiye qurulush shirkiti - aréwa xitaygha ikki yadro ré'aktori yasap bérish békitilgen.

Fransiye yadro shirkiti jenubiy xitayda yasimaqchi bolghan ré'aktor kelgüsi 6 yil ichide tamamlinip 2014- yiligha kelgende tok chiqirishqa bashlaydiken.

Fransiye prézidénti sarkoziyning bu nöwetlik xitay ziyariti u hoquq igiligendin kéyinki tunji asiya ziyariti bolup, u béyjingda xitay rehberliri bilen söhbet ötküzüp bolghandin kéyin, shangxey shehirige bérip xitayning soda sahesi bilen uchrishidu.

Bezi tenqidchiler sarkoziy ependi bu nöwetlik xitay ziyaritide, xitayning nachar kishilik hoquq xatirisini yaxshilash we ölüm jazasini kémeytish jehette xitaygha köprek bésim ishlitishi kérek idi dep qarashmaqta.

B b s da körsitilishiche, fransiye prézidénti sarkoziy ependining bu nöwetlik xitay ziyaritige hemrah bolup kelgen ministirlar ichide fransiye kishilik hoquq ministiri yoq iken.

Melum bolushiche, sarkoziy ependi bu nöwetlik xitay ziyaritining muhim nuqtisini xitay bilen élip bérilidighan soda kélishimge tikken bolup, u xitay orunlashturghan hökümet ziyapiti jeryanida, xitayning ölüm jazasini kémeytishi heqqide toxtalghan bolsimu, xitayning nachar kishilik hoquq xatirisi mesiliside köp toxtalmighan. (Jüme‏)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet