8 Dölet bashliqlirining yighini shotlandiyide ötküzülidu


2005.07.06
Share on WhatsApp
Share on WhatsApp

8 Chong sana'et dölet bashliqlirining yighini 7 - iyul peyshenbe küni, shotlandiyining gélini'églés shehiride ötküzülidu.

Royétrs agéntliqining xewiride körsitilishiche, 8 döletning yuqiri derijilik rehberliri, gélini'églés shehirige yétip kelgende, namayishchilarmu mezkur sheherge topliship bolghan.

Bu qétimqi yighinining asasliq témisi muhit mesilisi bolup, buningdin sirt yighinda afriqa rayonini tereqqi qildurush shuningdek dunyaning iqtisadiy tereqqiyati qatarliq mesililermu muzakire qilinidiken.

Yighin échilishtin bir kün burun, en'giliyidiki solchilar teshkilati namratliqqa qarshi namayish ötküzidighanliqini bildürüp, saqchilarning ruxsitini alghan. Biraq, xewerlerdin melum bolushiche, yene bir qisim teshkilat we guruhlar 8 dölet bashliqlirining uchrishish yighinigha qarshi namayish ötküzüp, saqchilar bilen toqunushqan. Bu jeryanda saqchilar 100 ademni qolghan alghan.

Amérika prézidénti jorj bush, mezkur yighin'gha qatnashqan 8 döletning rehberliri bilen amérikining siyasiy istratégiyisi we qandaq qilip bashqa döletler bilen birlikte dunyada mewjut boluwatqan ziddiyetlerni bir terep qilish mesilisi heqqide toxtilidiken.

En'giliye bash weziri tony béleyér bolsa, afriqa sodisi, afriqigha yardem bérish qatarliq xizmetlerni élip bérish üchün, 8 döletning qollishigha érishmekchi iken.

Yighin'gha birleshken döletler teshkilatining bash katipi kofi annan qatnashqandin sirt, xitay, braziliye, hindistan, négiriye we jenubiy afriqa dölitining rehberlirimu teklipke bina'en, 8 dölet gurohining yighinida söhbetke qatnishidiken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.